برد الشبابيك برد الشبابيك

البارحه ماودي اطريك واطريك
تزورني بالطيف تاره و تاره

كنك تناجيني بحبك واناجيك
وتنطق عبارة حب وانطق عباره

ومن كثر ماني يالغلا هايمٍ فيك
شعرت بأنك جيت عندي زياره

قمت وفتحت الباب من شان احييك
بس اصطدمت بواقعي ياخساره

ورجعت وانا ياهوا بالي ابكيك
واسدلت من دون الخيال الستاره

اسمع ضجيج البرد خلف الشبابيك
وانا بصدري من غيابك حراره

رغم الغياب القلب لازال يرجيك
حبك سكن بالقلب والدار داره

لو غبت كل العمر ماني بناسيك
حفظت عهد الحب رغم المراره

جد لي بوصلك جعل ربي يخليك
عيني على شوفك تسوق البشاره

</B></I>