تسميني بـ وجدانك وتدري : إنت - وجداني ..؟

إذا حنّيت يــــا روحي بعيد هناك : تلقاني ..
أجمّعهـــــا سواليفك وأبعثر " أجمل " سنيني !

ولو ما جيت لا تنسى حروف إسمي وعنوانـــي ..
وتأكد إنّي بنتظرك وببكّي لـ غيبتك ( عيني )

تسميني بـ وجدانك وتدري : إنت - وجداني ..
أنا أصلاً كثير أحيان أضيّع ، بينــك وبيـــني !

دخيلك إنسى هالماضي ترى هذا العمر فاني ..
تعال و عيش في ذاتي وإزرع هـ الأمل فيني

كسرت العزّه وجيتك ، محيت الهم وأحزاني
أبي تذكرها : [ حنّيتي وشوقٍ لك يعنّيني ] ..

ودام قليبي في إيدك أبي يا عمري تهواني ..
بـ أحس إني قريبه منْك وأبي من قلب تغليني

مناي آشوف بسماتك وأضيق إن ضقت وآعاني
ترا بآموت من صدّك تعااال الحين ، وإحييني !

خفيت جروح بيديني وجيت آخذْك بأحضاني ،
طلبتك بس هالمرّه : ( أبي بيديك تشفيني )

بـ ليل الهم { أنتظرك } يـ ليت إدّق بيباني ..
وأفتح لك وتعزفني و بـ أشعارك تغنّيني

تعااال وحن لـ أيامي وتدري وين تلقاني
أبعثرها سواليفي . . وأجمّع أجمل سنيني !